SI TU TURNASSE
Si tu turnasse, Giamburraschiè
iye t'acchiappasse mane e piere
pe te fa ribbellà
pazzianne a muzzecà.
Si tu turnasse, Giamburraschiè
'na mana 'a cinche
dinte 'a panza
nisciune t'a levasse.
Si tu turnasse, Giamburraschiè
stesse sempe a aspettà
a capuzzella toia che s'alliscia
sotte 'e 'mmane mie.
Si tu turnasse, Giamburraschiè
capa capa facesse
cu chiste uocchie tuoie
'e nennille 'e maraviglia,
'sti stesse uocchie
ca mo me guardane stasera
pe' se fà accarezzà,
dinte a chiste urdeme addie.
Si tu turnasse...
